Батыс Қазақстанда жүкті әйел босану кезінде көз жұмды
Фото: Pixabay
Батыс Қазақстан облысы Жаңақала ауданында жүкті әйел босану кезінде қайтыс болды, деп хабарлайды Qazaq Today ақпарат агенттігі.
БҚО полиция департаментінің мәліметінше, 2024 жылдың 15 мамыр күні Жаңақала аудандық орталық ауруханасында әйел босану кезінде қайтыс болған.
«Қазіргі кезде аталған дерек бойынша Жаңақала ауданы полиция бөлімі тергеу амалдарын жүргізуде. Сараптамалар тағайындалды», — деп хабарлады ведомстводан.
БҚО денсаулық сақтау басқармасының баспасөз қызметі оқиғаны растап, сот-медициналық сараптама қорытындысы белгілі болғаннан кейін ақпарат берілетінін жеткізді.
