«Тағы бір тұрмыстық зорлық-зомбылық»: Күйеуі әйелін тепкіге алған видео тарады
Фото: видеодан кадр
Әлеуметтік желіде тағы бір тұрмыстық зорлық-зомбылық белгілері бар видео тарады. Оқиғаның куәгерлері қоғамнан көмек сұрады. Олардың айтуынша, әйелі құқық қорғау органдарына хабарласқысы келмейді, деп хабарлайды Qazaq Today ақпарат агенттігі.
«Жанында жерде комбинезонда сәби жатыр. Күйеуі бейтаныс адамдардың көзінше әйелін балағаттап, ұрып-соғып жатыр. Әйел полицияға хабарласқысы келмей жатыр», — делінген «Не молчи» қоры таратқан хабарламада.
Оқиға Алматы облысында тіркелген. 1979 жылы туған ер азамат анықталды. Қазіргі уақытта жәбірленушіге сот-медициналық сараптама тағайындалды.
