Ақмола облысында үй өртеніп, үш бала қаза тапты
Ақмола облысында үй өртеніп, үш бала қаза болды. Өрт Рахымжан Қошқарбаев атындағы ауылда орын алған, деп хабарлайды 716kz-ке сілтеме жасаған Qazaq.today агенттігі.
25 қарашада Ақмола облысының Целиноград ауданындағы Рахымжан Қошқарбаев атындағы ауылда тұрғын үй өртке оранды. Өрт кезінде үш бала қаза тапты. Оқиға орнына жеткен өрт сөндірушілер өрттен екі жасар бала мен алты жасар қыздың мәйітін алып шыққан. Кейін үйінді астынан тағы бір бала өлі күйінде табылды.
Алты айлық сәби ғана аман қалды. Бала оқиға орнына жеткен жедел жәрдем қызметкерлеріне тапсырылды.
Ақмола облысының өрт сөндірушілеріне өртті сөндіруге арнайы екі көлікпен келген 12 адамнан тұратын астаналық құтқарушылар көмектесті.клама
Құзырлы органдар әзірге басқа мәлімет берген жоқ.
Фото ашық дереккөзден
Qazaq.today
