Алматыда қаңтарда оққа ұшқан 4 жасар қыздың муралы пайда болды
Мурал 3 маусымға қараған түні Жароков пен Мыңбаев көшелерінің қиылысында пайда болған.
Алматыда қаңтардағы жаппай тәртіпсіздік кезінде оққа ұшып көз жұмған 4 жасар қыздың муралы пайда болды.
Кішкентай Айкөркемнің бейнесінің жанына «Қай аға мені атқан?» деген жазу мен #qazaqkoktemi және #qandyqantar хэштегтері жазылған.
Іnbusiness.kz порталының жазуынша, мурал 3 маусымға қараған түні Жароков пен Мыңбаев көшелерінің қиылысында, бұрын Назарбаевтың кескіні тұрған қабырғада пайда болған.
Айта кетсек, 4 жастағы Айкөркем 7 қаңтарда аға-әпкелерімен бірге ашық дүкен іздеп жүргенде, қала орталығында оққа ұшып қаза тапқан болатын.
