Тоқаев Бакуде Қатар Әмірімен кездесті
Қазақстан Президенті Қасым-Жомарт Тоқаев Бакуде Қатар Мемлекетінің Әмірі шейх Тәмим бен Хамад Әл Тәнимен кездесіп, екіжақты ынтымақтастық пен инвестициялық жобаларды талқылады.
Сурет: Ақорда
Бакуде өткен Азиядағы өзара іс-қимыл және сенім шаралары кеңесінің саммиті аясында Қазақстан Президенті Қасым-Жомарт Тоқаев Қатар Мемлекетінің Әмірі шейх Тәмим бен Хамад Әл Тәнимен кездесу өткізді.
Бұл туралы Qazaqtoday.info сайты хабарлайды.
Кездесу барысында тараптар екіжақты ынтымақтастықтың өзекті мәселелерін талқылады. Қазақ-Қатар сан қырлы серіктестігін нығайтуға, сондай-ақ бірлескен инвестициялық және энергетикалық жобаларды жүзеге асыру перспективасына айрықша назар аударылды.
Сонымен қатар мемлекеттер басшылары халықаралық және өңірлік күн тәртібі, соның ішінде Таяу Шығыстағы ахуал жөнінде пікір алмасты.
