Криштиану Роналду Португалия құрамасының базасынан кетті
Криштиану Роналду Португалия ұлттық құрамасының базасынан кету туралы шешімін әлеуметтік желіде жариялады. Ол себептерін кейін айтатынын мәлімдеді.
Әлемге әйгілі футболшы Криштиану Роналду әлеуметтік желідегі парақшасында ұлттық құраманың орналасқан базасынан кету туралы шешім қабылдағанын мәлімдеді.
Бұл туралы Qazaqtoday.info сайты хабарлайды.
Оның айтуынша, бұл шешім ұлттық құраманың бас бапкерінің баспасөз конференциясынан кейін және Португалия футбол федерациясының президентімен болған әңгімеден кейін қабылданған.
«Ұлттық құраманың бас бапкерінің баспасөз конференциясынан кейін және Португалия футбол федерациясының президентімен әңгіме барысында ұлттық құраманың орналасқан базасынан кету туралы шешім қабылдадым», – деп жазды футболшы.
Сондай-ақ ол уақыты келгенде ұлттық командадан кету себептерін барлық португал халқына шындықпен жеткізетінін атап өтті. Өз сөзінің соңында Роналду Португалия құрамасына және барлық командаластарына сәттілік тіледі.
