Мароккода тарихта алғаш рет әйел премьер-министр болды

Фото: Сайт Правительства Марокко

Мароккода алғаш рет әйел адам премьер-министр қызметіне тағайындалды. Бұл шешім 23 қыркүйекте өткен парламенттік сайлаудан кейін қабылданды. «Аутентичность и модернизация» партиясы (PAM) бірінші орынды иеленіп, Өкілдер палатасындағы 395 орынның 97-сін алды. Алайда партия абсолюттік көпшілікке қол жеткізе алмады. Енді Мансури басқа саяси күштермен келіссөз жүргізіп, билеуші коалиция құруы қажет.

Бұл туралы Qazaqtoday.info сайты хабарлайды.

Фатима-Захра Мансури 1976 жылы Марракеш қаласында дүниеге келген. Білімі бойынша заңгер, мансабын адвокат ретінде бастаған. 2009 жылы Мансури Марракеш муниципалдық кеңесінің төрағасы болып, осы лауазымға ие болған алғашқы әйел атанды. Кейін ол қайтадан қала әкімі болып, парламентке кіріп, аумақтық жоспарлау, қала құрылысы және тұрғын үй саясаты министрі қызметін атқарды.

Жаңа кабинет құрылғаннан кейін Мансури 2021 жылдан бері үкіметті басқарған Азиз Аханнушты алмастырады. Жаңа үкімет экономикалық және әлеуметтік мәселелермен, соның ішінде жастарды жұмыспен қамту, өмір сүру деңгейі және елді 2030 жылғы футболдан әлем чемпионатына дайындау мәселелерімен айналысуы тиіс.

Парламенттік сайлауға қатысу шамамен 38%-ды құрады. Бұл елдегі соңғы онжылдықтардағы ең төмен көрсеткіштердің бірі.