Сұлтан Заурбек 21-ші жеңісін алып, әлем чемпионы атағына үміткер атанды

Видеодан кадр

Австралияның Квинсленд қаласында өткен бокс кешінде қазақстандық боксшы Сұлтан Заурбек (20-0, 13 КО) рингке көтерілді. Ол австралиялық Джексон Инглендпен (19-3, 10 КО) жекпе-жек өткізді. Бұл белдесу IBF нұсқасы бойынша екінші жартылай жеңіл салмақтағы әлем чемпионы атағына міндетті үміткерді анықтады.

Бұл туралы Qazaqtoday.info сайты хабарлайды.

Төрешілердің бірауыздан шешімімен жеңіс Сұлтан Заурбекке берілді. Төртінші раундта ол қарсыласын нокдаунға жіберді.

Осылайша, Сұлтан Заурбек кәсіби мансабындағы 21-ші жеңісіне қол жеткізіп, әлем чемпионы атағы үшін шаршы алаңға шығу мүмкіндігін алды. Ал Джексон Ингленд төртінші жеңілісін бастан кешірді. Қазіргі уақытта IBF нұсқасы бойынша екінші жартылай жеңіл салмақтағы әлем чемпионы мексикалық Эмануэль Наваррете (40-2-1, 33 КО) болып табылады.