Қазақстан қылышпаздары Азия ойындарында Катарды 45:42 есебімен жеңді
XX жазғы Азия ойындарында Қазақстанның ерлер құрамасы рапирамен командалық сайыста Катарды 45:42 есебімен жеңіп, ширек финалға жолдама алды.
Фото: Никита Басов
XX жазғы Азия ойындарында қылыштасудан командалық жарыстар басталды. Бұл туралы Қазақстан Республикасы Туризм және спорт министрлігінің Спортты дамыту дирекциясының баспасөз қызметі хабарлады.
Бұл туралы Qazaqtoday.info сайты хабарлайды.
Рапирамен командалық сайыста Қазақстанның ерлер құрамасы 1/8 финалда Катар командасымен кездесіп, 45:42 есебімен жеңіске жетті.
Қазақстандық команда сапында Ғалым Нұрымов, Темірлан Қалиев және Тимофей Семёнов сынға түсуде.
Қазақстан құрамасының ширек финалдағы қарсыласы кейінірек анықталады.
Бұған дейін «Курсив» басылымы қазақстандық жүзуші Софья Сподаренко Азия ойындарының финалына шыққанын жазған болатын.
