Көксу ауданында 7,7 млн теңге бәс тіккен екі шенеунік қызметтен босатылды
Көксу ауданының прокуратурасы букмекерлік кеңселер арқылы 7,7 млн теңге бәс тіккен екі шенеунікті анықтап, олар тәртіптік комиссия шешімімен қызметінен босатылды.
Фото: freepik
Көксу ауданының прокуратурасы лудоманияның алдын алу және сыбайлас жемқорлыққа қарсы шектеулердің сақталуын талдау барысында букмекерлік кеңселер арқылы құмар ойындар мен бәске қатысқан екі шенеунікті анықтады.
Бұл туралы Qazaqtoday.info сайты хабарлайды.
Олар букмекерлік кеңсенің мобильді қосымшасы арқылы жүйелі түрде бәс тігіп отырған. Ойын шоттарын толықтырудың жалпы сомасы 7,7 млн теңгеден асқан.
Тәртіптік комиссияның шешімімен екі қызметкер қызметінен босатылды. Олардың бірі – 20 жылдан астам аудандық бөлім басшысы болған.
