Қоғам белсендісі Иманғали Тасмағамбетовтің туысының үйіне ұры түскенін және оның кінәсі толық дәлелденбегенін айтты.
«Иманғали Тасмағамбетовтің немере қызының бөлмесінен сейф жоғалып, осы іс бойынша 27 жастағы жас ана Айткүл Шарипбай қамауға алынды. Алайда ол кінәсін мойындамайды, ал қорғау тарапы тікелей дәлелдердің жеткіліксіз екенін айтады. Сейфті нақты кім, қашан және қалай алып шықты? Айткүлдің туыстары әділ тергеуді талап етіп, Иманғали Тасмағамбетовке ашық үндеу жолдады», деп жазды Жан Ахмадиев.
