Астанада биыл 50-ге жуық көше жөнделеді
Астана әкімі Жәнібек Қасымбек биылғы жол жөндеу жұмыстарының барысы туралы айтып, 50-ге жуық көшенің жөнделетінін мәлімдеді. Жаңа жолдар мен көлік тораптарының құрылысы жалғасуда.
Фото: Акимат Астаны
Астана әкімі Жәнібек Қасымбек елордадағы жол жөндеу және құрылыс жұмыстарының барысы туралы айтып берді. Биылғы жылы жол жұмыстарымен жалпы ұзындығы шамамен 60 шақырымды құрайтын 50-ге жуық көшені қамту жоспарлануда.
Бұл туралы Qazaqtoday.info сайты хабарлайды.
Әкімнің айтуынша, қалада бір мезгілде жаңа жолдар мен көлік тораптарының құрылысы жалғасуда. Жәнібек Қасымбек аралау барысында бірқатар нысандарды аралады.
Жангелдин көшесінің құрылысы Қ. Күмісбекова мен Ш. Бейсекова көшелерінің арасындағы жолды, сондай-ақ №65 мектеп-гимназиясына, техникалық колледжге және «Білім-Инновация» лицей-интернатына ыңғайлы кіреберісті қамтамасыз етеді. Бүгінгі таңда инженерлік желілер мен жол төсемін орнату жұмыстары жүргізілуде.
С. Нұрмағамбетов көшесінің Ш. Қалдаяқов көшесінен Райымбек батыр көшесіне дейінгі учаскесіндегі құрылыс жобасы аталған көшенің дамуын қамтамасыз етіп, іргелес аумақтың көлік байланысын жақсартып, LRT станциясына ыңғайлы кіреберісті қамтамасыз етеді. Қазіргі уақытта жол төсемі бойынша жұмыстар жүргізілуде.
Е67, Е68 көшелерінің Төле би көшесінен А. Бектұров көшесіне дейінгі учаскесіндегі құрылыс Е68 көшесі Төле би мен А. Бектұров арасындағы көлік қатынасын қамтамасыз етіп, іргелес тұрғын үй кешендерінің көліктік қолжетімділігін жақсартады. Қазіргі уақытта жол төсемі бойынша жұмыстар жүргізілуде.
«Пригородный» тұрғын алабындағы Местная-7 және Е522 көшелерінің құрылысы жобаны іске асыру «Пригородный» тұрғын алабына, салынып жатқан жайлы мектепке және үйлерге көліктік қолжетімділікті қамтамасыз етеді. Бүгінгі таңда Е-522 көшесінде инженерлік желілер мен жол төсемін орнату жұмыстары жүргізілуде.
Мәңгілік Ел даңғылы, 40А-дан Ә. Бөкейхан көшесіне дейінгі көше құрылысы («Сапфир» тұрғын үй кешені) Мәңгілік Ел даңғылы мен Ә. Бөкейхан көшесі арасындағы көлік қатынасын қамтамасыз етіп, «Сапфир», «Көркем-4» және «Күмбел» тұрғын үй кешендеріне кіреберісті жақсартады. Қазіргі уақытта инженерлік желілерді орнату жұмыстары жүргізілуде.
«Жол жұмыстарын елорданың барлық аудандарында жүргізіп жатырмыз. Мердігер ұйымдарға белгіленген мерзімдерді қатаң сақтау және жұмыстардың тиісті сапасын қамтамасыз ету тапсырылды», — деп хабарлады Жәнібек Қасымбек.
Сонымен қатар, ҚР Ішкі істер министрлігінің жол қозғалысын бақылауды ұшқышсыз ұшақтар, мобильді кешендер және жылдамдықты бақылау жүйелері арқылы күшейтетінін еске сала кетейік. Жаңа технологиялар бұзушылықтарды жылдам анықтауға және қауіпті жағдайларға ден қоюға мүмкіндік береді.
