Мемлекет басшысы Сыртқы істер министрін қабылдады
Қасым-Жомарт Тоқаев Сыртқы істер министрі Мұхтар Тілеубердіні қабылдап, сыртқы саясаттың басым бағыттарын белгіледі.
Фото: Ақорда
Мемлекет басшысы Қасым-Жомарт Тоқаев Сыртқы істер министрі Мұхтар Тілеубердіні қабылдады. Кездесу барысында Президент ведомствоның негізгі міндеттерін белгілеп, Қазақстанның ұлттық мүдделерін дәйекті түрде қорғауды, теңгерімді сыртқы саясатты нығайтуды және экономикалық дипломатияны дамытуды тапсырды.
Бұл туралы Qazaqtoday.info сайты хабарлайды.
Көпжақты ынтымақтастықты жандандыруға және шетелдегі қазақстандықтардың құқықтары мен мүдделерін қорғау тиімділігін арттыруға ерекше мән берілді. Сонымен қатар, Мемлекет басшысының қатысуымен өтетін алдағы халықаралық шаралардың кестесі талқыланды.
