Грузияда қазақ журналисін өлтіріп кетті
Қазақстандық журналист Жанбота Төлегенді Грузияда өлтіріп кетті, деп хабарлайды Qazaq.today «Астана» телеарнасына сілтеме жасап.
Жанбота Төлеген соңғы рет 19 мамырда әріптесімен байланысқа шыққан. Назира Дәрімбеттің айтуынша, журналистің сыныптастары оның Грузияда өлтірілгенін хабарлаған.
Бұл туралы ол Facebook-те жазды. Жарияланымда ҚР Грузиядағы елшілігінің Консулдық бөлімінің басшысы Ерлан Әбішев қол қойған құжат көрсетілген, онда ол Жанботаның денесін беру үшін туыстарын іздеу қажеттілігімен ҚР Сыртқы істер министрлігіне жүгінеді.
«Жанботаның сыныптастары оның 21 мамырда Грузияда Телави қаласында өлтірілгенін хабарлады! Сұмдық! Мен сенбеймін, бұл қалай болды?», — деп жазды Назира Дәрімбет.
Әлеуметтік желілердегі ақпаратты журналистің ағасы Ерболат Алтайұлы растады. Ол Жанбота Төлеген 2 маусымда Қоянды ауылында жерленгенін жазды.
Qazaq.today
