Алматы мен Санкт-Петербург ынтымақтастықты нығайтуда

Алматы қаласының әкімі Дархан Сатыбалды Санкт-Петербург губернаторы Александр Бегловпен кездесу өткізді.

Бұл туралы Qazaqtoday.info сайты хабарлайды.

Биыл Алматы мен Санкт-Петербург арасындағы әріптестік қарым-қатынас орнағанына 30 жыл толады. Осы уақыт ішінде қалалар әртүрлі салаларда тұрақты байланыс орнатты. Кездесуде ынтымақтастықты одан әрі дамыту және бірлескен жобалар талқыланды.

Көлік инфрақұрылымына, оның ішінде жеңіл рельсті көлікке ерекше назар аударылды. Алматы қоғамдық көлік жұмысын ұйымдастырудағы Санкт-Петербург тәжірибесіне қызығушылық танытуда.

Сондай-ақ тараптар мәдениет, туризм, білім, ғылым және ақпараттық технологиялар саласындағы ынтымақтастықты талқылады. Университеттер, мәдениет мекемелері және профильді ұйымдар арасындағы тікелей байланыстарды кеңейту қажеттігі атап өтілді.

Кездесу қорытындысы бойынша ынтымақтастықтың нақты бағыттары бойынша жұмысты жалғастыру туралы уағдаластыққа қол жеткізілді.