Президент Жарлығы: Құрылтайдың алғашқы сессиясы 28 тамызда өтеді
Президент Қасым-Жомарт Тоқаев Құрылтайдың алғашқы сессиясын 28 тамызға шақыру туралы Жарлыққа қол қойды. Сессия Астанада өтеді.
Сурет: kaz.inform.kz
Мемлекет басшысы «Бірінші шақырылымдағы Қазақстан Республикасы Құрылтайының бірінші сессиясын шақыру туралы» Жарлыққа қол қойды. Бұл туралы Ақорданың баспасөз қызметі хабарлады.
Жарлыққа сәйкес, Құрылтайдың алғашқы сессиясы 2026 жылғы 28 тамызда сағат 11:00-де Астана қаласында ұйымдастырылады.
Айта кетерлігі, Құрылтай сайлауына 9,3 миллион адам қатысып, бұл референдум кезіндегіден 224 мыңға артық. Депутаттарға куәліктер партиялар мандаттарды үміткерлер арасында бөлгеннен кейін және тиісті мәліметтерді Орталық сайлау комиссиясына ұсынғаннан соң табысталады.
