Президент Ұлттық банк төрағасын тағайындады

Ұлттық банк төрағасы өз қызметіне қайта тағайындалып отыр, деп жазады Qazaqtoday.info ақпарат порталы. 

– Мемлекет басшысының Жарлығымен Тимур Мұратұлы Сүлейменов Қазақстан Республикасы Ұлттық Банкінің Төрағасы лауазымына болып тағайындалды, – делінген хабарламада.

Сүлейменов Тимур Мұратұлы 1978 жылы 5 сәуірде дүниеге келген.

Павлодар мемлекеттік университетін «Әлеуметтік салалардағы экономика және менеджмент» мамандығы бойынша бітірген (2000 ж.).

«Болашақ» бағдарламасы бойынша Мэриленд университетінің магистратурасын «Қаржы» мамандығы бойынша «Бизнес магистрі» дәрежесімен бітірген (АҚШ, 2002 ж.).

2002–2006 жж. – Ernst & Young Kazakhstan – салық бойынша кеңесші.

2006–2009 жж. – «ҚазМұнайГаз» Барлау Өндіру» мұнай-газ компаниясы – Салықтық есеп және салықтық жоспарлау департаментінің директоры.

2009–2010 жж. – Экономика және бюджеттік жоспарлау вице-министрі.

2010–2012 жж. – Қазақстанның экономикалық даму және сауда вице-министрі.

2012–2016 жж. – Еуразиялық экономикалық комиссияның Экономика және қаржылық саясат жөніндегі алқа мүшесі (Министр).

2016–2019 жж. – Қазақстан Республикасының Ұлттық экономика министрі.

2019 ж. – Қазақстан Республикасының Ұлттық Банкі Төрағасының орынбасары.

2019 ж. – Қазақстан Республикасы Президентінің көмекшісі.

2019–2022 жж.  – Қазақстан Республикасы Президенті Әкімшілігі Басшысының әлеуметтік-экономикалық мәселелер бойынша орынбасары.

2022–2023 жж. – Қазақстан Республикасы Президенті Әкімшілігі басшысының бірінші орынбасары.

2023 жылы 4 қыркүйекте Қазақстан Республикасы Президентінің №334 Жарлығымен бүгінге дейін Қазақстан Республикасы Ұлттық Банкінің Төрағасы міндетін атқарды.