Cairns Cup турнирінде Бибісара Асаубаева үздік үштікке енді

Сурет: egemen.kz

АҚШ-тың Сент-Луис қаласында өткен беделді Cairns Cup шахмат турнирі мәресіне жетті. Бұл додаға әлемнің ең мықты он шахматшысы қатысып, бақ сынады, деп хабарлайды Qazaqtoday.info сайты.

Туризм және спорт министрлігі Спортты дамыту дирекциясының баспасөз қызметінен мәлім етілгендей, Қазақстан атынан сынға түскен гроссмейстер Бибісара Асаубаева тоғыз турды қорытындылағанда бес ұпай жинап, үшінші орынға табан тіреді.

Жүлделі орындар былай бөлінді: Тан Чжунъи (Қытай) – 6,5 ұпай, Элис Ли (АҚШ) – 6 ұпай, Бибісара Асаубаева (Қазақстан) – 5 ұпай. Сонымен қатар, отандасымыз жүлделі үшінші орын үшін ұйымдастырушылар тарапынан 35 мың АҚШ доллары көлемінде сыйақы алатынын атап өткен жөн.