Қарқаралыдағы өрт: әкімдік пен төтеншеліктердің селқостығына тұрғындар наразы

Қарағанды облысындағы өртті ауыздықтау қиын болып жатыр. Осы бір бейнежазбаны көргенде жергілікті халықтың ашуға мінбеуі мүмкін емес.

Қарағанды облысы Қарқаралы ауданының тұрғындары өрт орнына келген арнайы техникалардың оны сөндірмей, кері бұрылып кеткенін айтып дабыл қағуда.

Мәселенің анық-қанығына үңілсек, бейнекөріністегі көліктер төтенше жағдайлар қызметіне тиесілі екені аңғарылады. Жауапты мекемелер мен жергілікті әкімдік өртті ауыздықтаудың орнына осылай селқос қараса, қарапайым халықтың қауіпсіздігіне кім кепілдік береді?

Халықтың өкпесі қара қазандай болып отырған бұл оқиғаға байланысты құзырлы органдар ресми жауап беруге тиіс. Жергілікті билік бұл сорақылықты назардан тыс қалдырмай, тиісті шара қолданады деп сенеміз.

Фото: ТЖД