Түркістан облысында тұрғындар жылдар бойы лай су ішіп келеді
Фото: Видеодан алынған скрин
Түркістан облысының тұрғындары жылдар бойы лас су ішіп келеді. Олардың сөзінше, тәуелсіз зертхана жүргізген сараптама кезінде суда түрлі бактериялар анықталған, деп хабарлайды Qazaqtoday.info.
Қала тұрғындары мұндай суды ішуге ғана емес, тамақ дайындауға және тұрмыста пайдалануға да алаңдайтынын жеткізді. Ал қала әкімі Мақсат Жұмабаев ауызсу мәселесі бар екенін мойындады. Оның айтуынша, 2025 жылдың соңында қалада үш ұңғыма қазылып, тұрғындарға сол жерден су беріле бастаған.
Алайда кейін техникалық ақау пайда болған. Әкімнің түсіндіруінше, «Достық» бағытына қарайтын құбыр жарылып, жөндеу жұмыстары жүргізілген. Құбыр қайта қосылғаннан кейін су лайланған. Мәселеге алаңдаған тұрғындар әкімдікке барып, ауызсудың сапасын жақсартуды және мәселені түбегейлі шешуді талап етті.
Видео: jas_alash.kz
