Тұрсынбек Қабатов туған ауылында мешіт салдырып жатыр
Әзілкеш Тұрсынбек Қабатов туған ауылы Ақпәтерде 20-30 адамға арналған мешіт салдырып жатыр. Желі қолданушылары бұл бастамаға әртүрлі пікір білдіруде.
Сурет: turkystan.kz
Танымал әзілкеш әрі актер Тұрсынбек Қабатовтың туған ауылы Ақпәтерде мешіт бой көтеруде, деп хабарлайды Qazaqtoday.info сайты.
TikTok желісіндегі Нұрбек Досқазиев есімді қолданушының мәліметінше, ауылда 20-30 адамға арналған мешіт салынып жатыр. Оның айтуынша, құрылысты осы ауылдан шыққан Тұрсынбек Қабатов өз қаражаты есебінен жүргізуде.
«Тұрсынбек Қабатовты біреулер жақсы дейді, біреулер жаман дейді. Қалай десек те, Тұрсынбек өз ауылына осындай игі жұмыс жасап жатыр. Осы мешітке бес адам барса, сол бес адам өзімен тағы бес адам ертіп келеді. Алла қаласа, осы мешіт арқылы ауылымызға иманды адамдарды әкелсе екен», – деді ол.
Желі қолданушылары бұл бастамаға әртүрлі пікір білдіруде. Кейбірі өнер иесіне алғыс айтып, қолдау танытса, енді бірі мешіттен гөрі мектеп салу қажет деген ойын жазған.
