Танымал футбол клубтың екі ойыншысы жол апатынан қаза тапты
Гобу-Локбатан тас жолында «Toyota» мен «Ford Transit» соқтығысып, «Гобу» футбол клубының екі ойыншысы қаза тапты. Апат салдарынан тағы бір адам жарақаттанды.
Сурет: sn.kz
Әзербайжанда Гобу-Локбатан тас жолында 29 шілде күні кешке ауыр жол-көлік оқиғасы болып, екі адам қаза тапты, деп хабарлайды Qazaqtoday.info сайты.
Оқиға кезінде мемлекеттік тіркеу нөмірі 99-EN-361 «Toyota» автокөлігі «Ford Transit» шағын автобусымен соқтығысқан.
«Toyota» ішінде болған Бахруз Султанов пен Рауф Гусейнов оқиға орнында қаза тапты. Ал «Ford Transit» жүргізушісі түрлі жарақат алды.
Қаза тапқан екеуінің «Гобу» футбол клубының ойыншылары екені белгілі болды.
