Қазақстандықтарды 30 базамен тексермек: енді кім әлеуметтік төлемнен қағылуы мүмкін?
Фото: видеодан скрин
Қазақстанда әлеуметтік төлем тағайындау тәртібі өзгеруі мүмкін. Вице-премьер, ұлттық экономика министрі Серік Жұманғариннің айтуынша, енді азаматтардың тұрмыстық жағдайы 30 ақпараттық жүйе мен дерекқордағы мәліметтер негізінде бағаланбақ.
Бұл туралы ол Құрылтайда өткен 2027–2029 жылдарға арналған республикалық бюджет жобасының таныстырылымында мәлімдеді. Жиналған ақпаратқа сәйкес, отбасылар табысы мен әлеуметтік жағдайына қарай A, B, C және басқа да санаттарға бөлінеді. Мемлекеттік көмектің жекелеген түрлерін алу құқығы осы санаттарға байланысты анықталмақ. Алайда жаңа жүйе енгізілгеннен кейін қанша отбасы әлеуметтік төлемнен қағылуы немесе қолдау алу мүмкіндігі өзгеруі мүмкін екені әзірге нақтыланбады.
