Астанада жүк көлігі жеті көлікті соғып, аударылды
Астанада Shacman жүк көлігі жеті көлікті соғып, аударылды. Жүргізуші жарақат алды, әкімшілік іс қозғалды.
Сурет: newtimes.kz
Астанада жүк көлігі жеті көлікті соғып, аударылды. Оқиға салдарынан жүргізуші зардап шекті, деп хабарлайды Qazaqtoday.info сайты.
Оқиғаның видеосы жергілікті пабликтерде пайда болды. Полиция мәліметінше, 20 шілдеде Shacman жүк көлігінің жүргізушісі Горбаты көпірінен Ақжол көшесіне түсер жолда келе жатқан. Жаяу жүргіншілер бағдаршамының алдында тоқтап тұрған көліктермен соқтығыспау үшін басқарудан айырылып, бордюрге соғылып, содан кейін төрт тұрақта тұрған көлікпен соқтығысып, аударылған. Инерциямен тағы үш тұрақта тұрған көлік зақымданған.
Жол-көлік оқиғасынан жүк көлігінің жүргізушісі жарақат алған. Оған қатысты әкімшілік іс қозғалды.
