275 тұрғын зардап шекті: Қытайда торнадодан 8 адам мерт болды

Қытайдың шығысында тосын табиғи құбылыс болды.

«Рейтер» агенттігінің хабарлауынша, Хубей провинциясында торнадо көтеріліп, 8 адам көз жұмған. Тағы бір тұрғын із-түзсіз жоғалып кетті.

Жалпы 275 адам зардап шегіп, 408-і шұғыл қауіпсіз жерге көшірілген. Желдің екпіні сағатына 149 шақырымға жетіп, талдарды опырып, көліктерді төңкеріп, шатырларды жұлды.

Іздеу-құтқару операциясы жалғасып жатыр.

Дереккөз: 24.kz