Жезқазғандағы «шала» жөндеу: Жаңа асфальт бордюрсіз қанша уақыт шыдайды?
Фото: Видеодан скрин
Жезқазған қаласы Мамедова көшесі 43-үйдің ауласына көптен күткен жаңа асфальт төселгенімен, тұрғындардың қуанышы ұзаққа бармады, деп хабарлайды Qazaqtoday.info сайты.
Жергілікті әкімдік өкілдері абаттандыру жұмыстары кешенді түрде, халықтың қалауымен жасалады деп бірнеше рет уәде бергенімен, іс жүзінде тағы да сапасыз, «жартылай» жөндеу орын алып отыр. Мердігер мекеме асфальтпен бірге орнатылуы тиіс бордюрлерді мүлдем ескермеген, бұл жаңа жолдың ғұмырын қысқартатыны анық.
Арнайы қоршаусызы жоқ асфальт алғашқы жауын-шашын мен қыстан кейін шетінен үгітіліп, маңайдағы топырақ қайтадан жолға шашыла бастайды. Тұрғындар бюджет қаржысын жыл сайын бір іске қайта-қайта шығындамай, жұмысты бірден неге сапалы істемеске деген орынды сұрақ қойып, шенеуніктерден жауап талап туде. Өңір әкімдігі әдемі есеп беруді ғана ойламай, халықтың үніне құлақ асып, бұл жобаның сметасын қайта тексеруі қажет.
