Тараз көшелерін жылан жайлады: Әкімдік неге шара қолданбайды?

Фото: Видеодан скрин

Әлеуметтік желілерде Тараз қаласының қақ ортасында өріп жүрген жыландардың видеосы тарап, жұрттың үрейін ұшыруда, деп хабарлайды Qazaqtoday.info сайты. 

Қала тұрғындары биыл бауырымен жорғалаушылардың шектен тыс көбейіп кеткенін айтып, жаппай дабыл қағуда. Аяқжолдар мен көлік тұрақтарынан жылан көру үйреншікті құбылысқа айналса да, жергілікті билік бұл қауіпті әлі де елеусіз қалдырып отыр.

Қала тазалығы мен жұртшылық қауіпсіздігіне тікелей жауапты өңір әкімдігінің мұндай салғырттығы мен әрекетсіздігі тұрғындардың орынды ашу-ызасын тудырды. Жауапты органдар дәл қазір шұғыл дезинфекция жұмыстарын қолға алмаса, балалар алаңқайына дейін жеткен бұл қауіптің соңы үлкен трагедияға әкелуі әбден мүмкін.