Шығыс Қазақстан облысы Ұлан ауданында мотоциклмен аударылған ер адам қаза тапты, деп хабарлайды Qazaqtoday.info.
ШҚО Полиция департаменті баспасөз қызметінің мәлімтеінше, мотоциклді өскемендік азамат басқарған.
— 51 жастағы Өскемен қаласының тұрғыны HUSQVARNA 901 NORDEN маркалы мотоциклмен Алғабас ауылынан Тарғын ауылы бағытына қарай келе жатып, рульді басқара алмай, аударылған. Жол-көлік оқиғасы салдарынан ер адам оқиға орнында қаза тапты, — деп хабарлады ведомство өкілдері.
Аталған факті бойынша ҚР Қылмыстық кодексінің 345-бабы 3-бөлігіне сәйкес («абайсызда адам өліміне әкеліп соққан жол жүрісі қағидаларын бұзу») сотқа дейінгі тергеу амалдары басталды.
