Халықаралық іздеуде жүрген «атыраулық хакер» Түркияда ұсталды

Фото: Polisia.kz

Түркиядан Қазақстанға бірнеше рет алаяқтық жасады деген күдікпен халықаралық іздеуде жүрген ер адам жеткізілді, деп хабарлайды деп хабарлайды Qazaqtoday.info сайты Polisia.kz-ке сілтеме жасап.

Іздеуде жүрген ер адам Қазақстан ішкі істер министрлігі интерпол Ұлттық орталық бюросының сұрауы бойынша Түркияның Самсун қаласында ұсталған.

«Күдікті 2024 жылдың қыркүйек-желтоқсан айлары аралығында ақпараттық жүйелер мен Instagram әлеуметтік желісіндегі аккаунтын пайдаланып, Атырау қаласының екі тұрғынының үш миллион теңгеден астам қаражатын алдап иемденген», — дейді полициядағылар.

Күдікті ұсталып, Алматы қаласы полиция департаментінің уақытша ұстау изоляторына қамалды.

Айта кетері, ол биыл жыл басында Атырау облысында бір отбасы жоғалып кеткенде өзінше «тергеу» жүргізген.

Геолокация, SIM-карта деректері мен қаржылық операциялар бойынша жоғалған адамдардың орналасқан жерін анықтап жатқанын айтты.

Кейін полиция «хакердің» тек тергеу органдарының қолында бұрыннан болған ақпаратты жариялағанын хабарлады.