60-қа жуық пышақ жарақаты: Сәрсемалиев ісі бойынша жаңа мәліметтер белгілі болды

Фото: «24KZ»

Атырау облысында төрт адамды асқан қатігездікпен өлтірді деген айып тағылған  Сұлтан Сәрсемалиевке қатысты өтіп жатқан сот процесінде оның  құрбандарына 60-қа жуық пышақ жарақатын салғаны айтылды,  деп хабарлайды Qazaqtoday.info.

Ақ жайық мәліметінше,  Сарсемалиевтің жұбайының туған әпкесі — Мирамгүл Қарабалинаға 32 соққы, оның ағасы Наурыз Мұқанғалиевке — 10, отбасының отағасы Мақсот Қарабалинге — 9 пышақ жарақатын салған, ал жұбайының анасы — Нәсіп Өтешқалиеваға 8 соққы тиген.

Сотта айыпталушы Сарсемалиев кінәсін ішінара мойындады.

Ол Мирамгүл Қарабалинаны, сондай-ақ жұбайының әкесі мен анасын қасақана өлтіргенін мәлімдеді. Сонымен қатар сотталушы Наурыз Мұқанғалиевті өлтіруді алдын ала жоспарламағанын айтқан.  Сот процесі жалғасып жатыр.

Дереккөз: 24.kz