Артемьев шахтасында бір ай ішінде екінші жұмысшы қаза тапты

Фото: pixabay

Шығыс Қазақстан облысында Артемьев шахтасында тау жынысының опырылуы салдарынан кәсіпорын қызметкері қаза тапты, деп хабарлайды  Qazaqtoday.info ақпарат порталы.

Оқиға 30 мамыр күні шамамен сағат 20:30-да болған . Компания оқиғаның болғанын растап, марқұмның отбасына көңіл айтты.

Бұл – бүкіл ұжым үшін ауыр қайғы. Біз әріптесіміздің отбасы, туған-туыстары мен жақындарының қайғысына ортақпыз. Компания отбасыға қажетті барлық көмек пен қолдау көрсетеді, – делінген ресми хабарламада.

Қайғылы оқиғадан кейін апат болған учаскедегі жұмыстар бірден тоқтатылды. Оқиғаның мән-жайы мен себептерін анықтау үшін уәкілетті органдар өкілдері мен тиісті мамандардың қатысуымен тергеу басталды.

Бұған дейін 10 мамырда осы шахтада шаң-желдету қызметінің механигі қаза тапқан, оның шамамен 9 метр биіктіктен құлағаны туралы хабарланған болатын