«Қазақстан футболы дамымайды»: Желі қолданушысы Қазақстан мен Қырғызстан стадионын салыстырды (ВИДЕО)

Коллаж: qazaqtoday.info

Әлеуметтік желіде Әділ есімді қолданушы Қазақстан мен Қырғызстандағы футбол стадиондарының құрылысын салыстырып, еліміздегі футбол инфрақұрылымын сынға алды, деп хабарлайды Qazaqtoday.info ақпарат порталы.

Оның айтуынша, Қазақстанда 36,5 миллион долларға салынған  Қажымұқан Мұңайтпасов атындағы футбол алаңына небәрі 3600 көрермен ғана сыяды. Ал көрші Қырғызстандағы 60 миллион долларға бой көтерген Бішкек-Арена стадионы 51 мың адамды қабылдай алады. Желі қолданушысы екі елдегі жобалардың айырмашылығын мысалға келтіріп, Қазақстанда бөлінетін қаржы мен нәтижесінің сәйкес келмейтінін атап өтті.

Ол мұндай жағдайда отандық футболдың дамуы қиын екенін айтып, спорт инфрақұрылымына бөлінетін қаражаттың тиімділігіне қатысты мәселені көтерді.

Бұл пікір әлеуметтік желіде қызу талқыланып, көпшілік спорт нысандарының сапасы мен сыйымдылығына назар аудару қажет екенін жазуда.