Павлодар облысында 4,5 магнитудалы жер сілкінісі тіркелді
Павлодар облысында 4,5 магнитудалы жер сілкінісі болды. Жерасты дүмпуінің эпицентрі Екібастұз қаласынан 15 шақырым жерде орналасқан.
Сурет: tengrinews.kz
Павлодар облысында магнитудасы 4,5 болатын жер сілкінісі тіркелді. Жерасты дүмпуі Екібастұз қаласының маңында болған деп хабарлайды Qazaqtoday.info сайты.
Еуропа-Жерорта теңізі сейсмологиялық орталығының (EMSC) мәліметінше, зілзала ошағы Екібастұздан оңтүстік-шығысқа қарай 15 шақырым, ал Павлодар қаласынан оңтүстік-батысқа қарай 130 шақырым қашықтықта орналасқан.
Дүмпудің сезілгені туралы ақпарат түскен жоқ. Еске сала кетейік, 24 мамырда Алматыдан оңтүстік-батысқа қарай 300 шақырым жерде, Қырғызстан аумағында да жерасты дүмпуі болған еді.
