Үндістанда жолбарыс төрт әйелді талап өлтірді

Чандрапур округінде жолбарыстың шабуылынан төрт әйел қаза тапты. The Indian Express басылымының мәліметінше, әйелдер орманға тенду жапырағын жинауға барған көрінеді.

Жолбарыс шабуыл жасағанда 9 адам қашып құтылған.  Ауыл тұрғындары айқайды естіген бойда орманға жүгірген. Кейін оқиға орнына орман басқармасы мен полиция қызметкерлері келді.

Жергілікті билік қаза тапқандардың отбасыларына 25 мың рупий төлейтіндерін мәлімдеді. Бұл шамамен 263 доллар. Сондай-ақ олар орманда тенду жапырақтарын жинауға уақытша тыйым салды.

Фото: depositphotos.com