«Зерделі ұлт»: Президент кітап оқу мәдениетін дамыту туралы Жарлыққа қол қойды
Қазақстан Президенті Қасым-Жомарт Тоқаев «зерделі ұлт» қалыптастыруға бағытталған жаңа Жарлыққа қол қойды. Құжат кітап оқу мәдениетін дамытуды көздейді.
Мемлекет басшысы Қасым-Жомарт Тоқаев «Кітап оқу мәдениетін дамыту және зерделі ұлт қалыптастыру жөніндегі шаралар туралы» Жарлыққа қол қойды. Бұл туралы Ақорданың ресми сайтында жарияланды, деп хабарлайды Qazaqtoday.info сайты.
Аталған құжат қоғамда кітап оқуға деген қызығушылықты арттыруға, оқу мәдениетін жүйелі түрде дамытуға және осы арқылы зерделі ұлт қалыптастыруға бағытталған. Жарлық аясында Үкіметке еліміздің зияткерлік әлеуетін нығайту, ұлттық әдебиетті қолдау, кітапханалар жүйесін жаңғырту және тиісті инфрақұрылымды жетілдіру бойынша нақты шаралар кешенін әзірлеу тапсырылды. Бұл бастама адами капитал сапасын жақсарту жөніндегі мемлекеттік саясаттың маңызды бөлігі болып саналады.
