Фото: видеодан алынды
Ол әлеуметтік желідегі парақшасында сәбиінен айырылып қалғанын жазып, жан сырын ақтарды.
«Әр ана үшін ішіндегі сәбиін жоғалту — сөзбен айтып жеткізе алмайтын ауыр қайғы.,. Мен оны қолыма ұстап үлгермесем де, жүрегіммен сүйіп үлгердім. Ол менің арманым болды, үмітім болды, жүрегімнің бір бөлшегі болды», – деп жазды ол.
Сондай-ақ Алма соңғы жағдайлардың әсері өзінен бұрын баласына тигенін айтты.
«Соңғы жағдайлардың әсері өзімнен бұрын балама тиді. Алланың ісіне амалым жоқ. Жанымда болған осы сәтте отбасыма рахмет», – деді ол.
Желі қолданушылары Алмаға қолдау білдіріп, көңіл айтуда. Сонымен қатар ол дәрігерлерге алғысын жеткізді.
«ОПЦ гинекология бөлімінің дәрігерлері мен қызметкерлеріне үлкен рақмет! Дәрігерім @mukashevaluiza үлкен алғысымды білдіремін. Кәсібиліктеріңіз, мейірімдеріңіз, қамқорлықтарыңыз бен жылы қарым-қатынастарыңыз үшін мың алғыс. Әр пациентке түсіністікпен қарап, қолдау көрсеткендеріңіз үшін ерекше ризамын», – деп жазды Алма.
