Елордада көлік қаққан 1,5 жастағы бала көз жұмды
Қазір қайғылы оқиғаға қатысты қылмыстық іс қозғалған. Бұл туралы QazaqToday.info ақпараттық порталы хабарлайды.
Иманов көшесіндегі көпқабатты үйдің ауласында болған оқыс оқиғадан 1 жас 8 айлық сәби жан тапсырған.
Полиция Kia Seltos көлігінің жүргізушісі ауладағы жолмен келе жатқанын мәлім етті. Сол сәтте бала жолға жүгіріп шыққан.
– Жол-көлік оқиғасы салдарынан бала оқиға орнында көз жұмды. Қылмыстық іс қозғалып, тергеу амалдары жүргізілуде, – деп хабарлады Астана қаласының полиция департаменті.
Полиция өз кезегінде көлік жүргізушілеріне аулада аса сақтықпен жүру керегін, ал ата-аналарға кішкентай балаларды жол маңында қараусыз қалдырмауды ескертеді.
