Бірнеше күн ізделген сәби: Раянаның денесі өзеннен табылды

Түркістан облысында бірнеше күн бұрын жоғалып кеткен бір жасар қыздың денесі өзеннен табылды, деп хабарлайды Qazaqtoday ақпарат агенттігі.

Қайғылы оқиға 31 наурызда Машат ауылында болған. Туыстарының айтуынша, 1 жас 8 айдағы Раяна есімді бүлдіршін аулада ойнап жүргенде үй маңындағы өзенге байқаусызда құлап кеткен.

Төтенше жағдайлар министрлігінің құтқарушылары бірнеше күнге созылған іздеуден кейін сәбидің денесін оқиға орнынан жеті шақырым төмен жерден тапты. Іздестіру жұмыстарына арнайы техника, қайықтар, дрон және кинологтар жұмылдырылды.

Сонымен қатар, өңірде суға құлап кеткен сегіз жастағы тағы бір баланы іздеу шаралары әлі жалғасып жатыр.

Фото: Әлеуметтік желіден