101 жастағы Алматы тұрғыны референдумда дауыс берді

Алматының Наурызбай ауданында республикалық референдумға ғасыр жасаған тұрғын – Кәмилә Қосумаева қатысты. Биыл ол 101 жасқа толады, QazaqToday.info ақпараттық порталы.

Жасына қарамастан, Кәмилә апа шөбересімен бірге сайлау учаскесіне келіп, дауыс беруге қатысты.

Кәмилә Қосумаева Ұлы Отан соғысы жылдары ел игілігі үшін тер төккен буынның өкілі. Оның айтуынша, ол ел үшін маңызды оқиғалардың ешқайсысынан қалмауға тырысады.

«Мен әрдайым дауыс беруге келуге тырысамын. Әр адам қатысып, таңдау жасау керек деп есептеймін», — деді ол.

Учаскеде ғасыр жасаған әженің келуі көпшілікке ерекше әсер қалдырды. Тұрғындар мен комиссия мүшелері оның үлгісі аға буынның елге деген құрметі мен жауапкершілігін көрсететінін атап өтті.

Фото: Алматы қаласының әкімдігі