Иран Нахчыван әуежайын атқылады: Тоқаев шұғыл мәлімдеме жасады

Президент Қасым-Жомарт Тоқаев Иранның ұшқышсыз аппараттары Нахчыван қаласының әуежайына жасаған шабуылына қатысты ресми ұстанымын білдірді, деп хабарлайды Qazaqtoday ақпарат агенттігі.

Бұл туралы Мемлекет басшысының баспасөз хатшысы Айбек Смадияр мәлімдеді. Ақорданың хабарлауынша, Қазақстан Президенті бауырлас әрі одақтас Әзербайжанға қарсы жасалған бұл әрекетті қатаң түрде айыптайды.

«Мемлекет басшысы бауырлас, одақтас Әзербайжан еліне қарсы жасалған әрекетті қатаң айыптайды», — делінген ресми хабарламада.

Сонымен қатар Қасым-Жомарт Тоқаев оқиғаның мән-жайы Иран тарапымен бірлесіп, мұқият тергелетініне сенім артатынын жеткізді. Президент екі ел арасындағы шиеленістің аймақтағы ахуалды ушықтырмай, дипломатиялық жолмен шешілетініне үміт білдірді.

Фото: Ағыбай Аяпбергенов/ Kazinform