Ақтөбеде құс фабрикасы отқа оранды

Фото: Ақтөбе облысы ТЖД

Қоймада картон жанды. Өрт сөндірушілер 2 газ баллонын алып шықты. Бұл туралы QazaqToday.info ақпараттық порталы хабарлайды.

Оқиға Ақтөбе қаласы Алматы ауданы Жарық тұрғын алабында болды. Өрт туралы хабарлама сағат 06:33–те түскен.

— Өрт болған кезде қоймада картон өнімдері болған. Мұнда құс пен жұмыртқа жоқ. Өрттің ауданы — 600 шаршы метр. Қабылданған шаралардың нәтижесінде жапсарлас салынған қоймаға өрттің таралуына жол берілмеді. Өрт сағат 07:45–те сөндірілді, — деді Ақтөбе облысының ТЖД ӨСКҚ жедел кезекшісі Қанат Нағымов.

Оның айтуынша, ғимарат ішінен 2 газ баллоны сыртқа шығарылды. Адам зардап шекпеді. Әзірге өрттің неден шыққаны белгісіз.