Түркістан облысында жаңа стадион бір жылға жетпей жыртылды: бюджет қаржысы желге ұшты ма?

Түркістан облысы Бәйдібек ауданына қарасты Жұлдыз елді мекеніндегі стадионның жағдайы тұрғындарды алаңдатып отыр. Жергілікті халықтың айтуынша, нысан пайдалануға берілгеніне бір жыл толмай жатып, тоз-тозы шыққан. Соңғы рет 2025 жылдың наурыз айында жаңартылған алаңға төселген жасанды жасыл жабын сапасыз болып шыққан. Қазірдің өзінде газон жыртылып, алаң жарамсыз күйге түскен.

Тұрғындар бұл мәселені әлеуметтік желіге шығарып, жауапты мекемелерден нақты түсініктеме талап етуде. Олардың сөзінше, бюджет есебінен жасалған жөндеу жұмыстары сапасыз орындалған. Алаңның қазіргі көрінісі мемлекет қаржысының қалай игерілгеніне қатысты сұрақ туғызады. Ауыл жастары спортпен айналысатын орыннан айырылып отыр.

Жергілікті тұрғындар стадион сапасына қатысты тексеріс жүргізіп, кінәлілерді жауапқа тартуды сұрайды.

Видео: Instagram – aigakmedia