Астанада Түркия азаматтарына заңсыз еңбек визасын рәсімдеген қылмыстық топ мүшелеріне сот үкімі шықты. Бұл алаяқтық схемаға Алматы қаласы көші-қон қызметінің сол кездегі қызметкері де қатысқан, деп хабарлайды Qazaqtoday ақпарат агенттігі.
Сот материалдарына сәйкес, алаяқтар 2020-2023 жылдар аралығында жалған құжаттар мен электрондық цифрлық қолтаңбаны пайдаланып, шетелдіктерге С-3 санатындағы еңбек визаларын рәсімдеп отырған. Олар осы мақсатта ондаған жауапкершілігі шектеулі серіктестік (ЖШС) тіркеп, заңсыз қызметтері үшін ақы алып келген.
Сот шешімімен қылмыстық топтың ұйымдастырушысы мүлкі тәркіленіп, 10 жылға бас бостандығынан айырылды. Көші-қон қызметінің бұрынғы қызметкері 9 жылға сотталса, топтың тағы бес мүшесі 7 жылдан арқалады. Іс бойынша айыпталған тағы бір адам рақымшылыққа ілініп, жазадан босатылды.
Сот үкімі әлі заңды күшіне енген жоқ.
Фото: Әлеуметтік желіден
