“АҚШ пен Түркия Иранды оқшаулайды, бұл ойында Қазақстан басты рөлде“: Саясаттанушы тосын пікір айтты

Қазақстан бір мезгілде Түркиямен де, Израильмен де қарым-қатынасты жақындатып, жаңа геосаяси ойынның маңызды қатысушысына айналып отыр. Бұл туралы саяасаттанушы Жанат Момынқұлов жазды, деп хабарлайды Qazaqtoday ақпарат агенттігі.

Саясаткердің айтуынша:

“Америкалық капитал әдетте қауіпсіздігі кепілдендірілген және басқаруға оңай аймақтарға ғана құйылады. Бұл тұрғыдан Қазақстанға инвестиция ағынының тоқтамауы – елдегі тұрақтылықтың жақсы көрсеткіші.

Жалпы Орталық Азия саяси тәжірибе алаңынан гөрі, инвестиция мен логистикаға басымдық беретін аймаққа айналып келеді. Осы үдерісте Қазақстан мен Әзербайжан Каспий дәлізінің негізгі ойыншылары ретінде ерекше маңызға ие.”

Бұл бағыт АҚШ пен оның одақтастарына Иранды және тұрақсыз Таяу Шығысты айналып өтуге мүмкіндік береді. Сарапшылардың пікірінше, Тегеранды оқшаулау стратегиясы Каспий мен Түркияның транзиттік рөлін күшейтеді. Бастысы – Каспий теңізі Қытайдың «ішкі көліне» айналып кетпеуі керек.

“Осындай жағдайда Сауд Арабиясы сияқты ірі араб елдері де өз мүдделерін түрік-каспийлік бағытпен ұштастыруы мүмкін. Нәтижесінде бұл аймақ Еуразияның жаңа қауіпсіздік және экономикалық жүйесін байланыстыратын негізгі буынға айналуы ықтимал” дейді саясаткер.