АҚШ Ресеймен бірге 75 елге есігін жапты: Виза беру уақытша тоқтатылады
АҚШ билігі Ресеймен қоса 75 мемлекеттің азаматтарына барлық виза түрін беруді тоқтатуды жоспарлап отыр. Жаңа шектеулер қаңтарда күшіне енеді.
Америка Құрама Штаттары Ресейді қосқанда 75 елдің азаматтарына барлық виза түрін беруді уақытша тоқтатуды жоспарлап отыр, деп хабарлайды Qazaqtoday ақпарат агенттігі.
Жаңа шектеулер 21 қаңтардан бастап күшіне енеді деп күтілуде. Бұл тізімге Ресейден бөлек, Иран, Бразилия, Ирак, Мысыр, Таиланд, Ауғанстан, Сомали және Йемен сияқты мемлекеттер де кірген.
Ресми мәлімет бойынша, бұл шешім АҚШ-қа келуге үміткерлерді тексеру және іріктеу рәсімдерін қайта қарастырумен байланысты қабылданған.
«АҚШ Мемлекеттік департаменті үміткерлерді тексеру мен іріктеу рәсімдерін қайта қарап жатқан уақытта консулдық қызметкерлерге қолданыстағы заңнамаға сәйкес виза беруден бас тарту тапсырылды», — делінген ресми хабарламада.
Фото: Әлеуметтік желіден
