Желі жұлдызына айналған мектеп директоры Димаштың Лондондағы концертіне билет ұтып алды

Әнші Димаш Құдайбергеннің Лондондағы концертіне билетті желі жұлдызына айналған мектеп директоры ұтып алды, деп хабарлайды Qazaq Today ақпарат порталы. 

Желі жұлдызына айналған мектеп директорының есімі – Ақмоншақ Нұртаза. Астанадағы №58 мектеп-гимназиясының басшысы. Ол 11-сыныпты тәмамдаған түлектерімен бірге Димаштың орындауындағы Сәкен Сейфуллиннің «Тау ішінде» әніне арналған челлендж түсірген.

Директордың видеосы дәл қазір өзінің Instagram парақшасында 3,1 миллион қаралым жинап, челлендж аясында түсірілген видеолардың ішінде көш бастады.

Ақмоншақ Нұртазаның видеосы кеше Алматыда өткен Димаштың концертінде сахнада көрсетілді. Ал концерттен кейін әншінің анасы Светлана Айтбаева мектеп директорына концертке билет табыс етті.