Димаш Құдайберген «Тау ішінде» атты жаңа әніне челлендж жариялады

Осы әнге түсірілген және ең көп қаралым жинаған қызықты видео авторына үлкен сыйлық беріледі, деп хабарлайды Qazaq Today ақпарат порталы.

15 мамыр күні сағат 20:00–де (Астана уақытымен) Димаш Құдайбергеннің YouTube желісінде «Тау ішінде» атты жаңа бейнебаянының премьерасы өтеді.

Премьераға орай челлендж жарияланды: осы трекке түсірілген және ең көп қаралым жинаған қызықты видео авторына үлкен сыйлық тарту етіледі.

Шарттары:

• Видеоның ұзақтығы 30 секундқа дейін болуы керек.
• TikTok немесе Instagram платформаларында жариялау.
• Хэштег: #TauIshindeChallenge.

«Челлендж 2025 жылғы 8 мамыр мен 25 мамыр аралығында өтеді. Жүлде – жеңімпаз өз таңдауы бойынша Димаш Құдайбергеннің жеке концертіне жолдама алады (Барселона, Берлин, Лондон немесе Рига). Ұшу және тұру шығындары толық қамтылады. Нәтижесі – 26 мамырда Алматы қаласында өтетін фан-кездесуде жарияланады», – делінген хабарламада.