Екі қазақ спортшысы Әлем кубогы кезеңінде үздік ондыққа енді

Шпагамен семсерлесуден Қазақстан жасөспірімдер құрамасының спортшылары Швейцарияның Базель қаласында өткен Әлем кубогы кезеңінде сәтті өнер көрсетті, деп хабарлайды Qazaq Today ақпарат порталы.

Жарыстың ширек финалына дейін Богдан Лукин мен Кирилл Проходов жетті.

Бұл кезеңде Лукин Германиялық Оле Петерсонға есе жіберсе, Проходов ұлыбританиялық Тристан Люминьеден жеңілді.

Нәтижесінде Кирилл Проходов бесінші орынға ие болса, Богдан Лукин жарысты сегізінші орынмен аяқтады. Георгий Тинников 12-орынға тұрақтады, Нұржан Әбжанов – 129-шы, ал Алексей Касаткин – 144-ші орын алды.