Боксшы Бекзат Нұрдәулетовке жеке бапкері сыйақы берді

Фото: vesti.kz

Бокстан Азия чемпионы атанған Бекзат Нұрдәулетовке Ақтауда 5 млн теңге табысталды, деп хабарлайды Qazaq Today ақпарат порталы.

1bol.kz мәліметінше, Маңғыстау облыстық бокс федерациясының президенті Асқарға Керелбаев белгілі спортшыға  3 500 000 теңге көлемінде қаржылай сыйақы табыстады. Сондай-ақ боксшының жеке бапкері Марат Жақиев те төл шәкіртіне 1 500 000 теңгені тапсырды.

Осыдан екі күн бұрын еліміздің бокс федерациясының басшылығы да ұлттық құрама мүшелерін марапаттаған еді. Сол жолы әлем чемпионы Нұрдәулетовке де 3 500 000 теңге берілген.

Бекзат Нұрдәулетов бокстан желтоқсан айының басында Азия біріншілігінде топ жарды. 86 келіде бақ сынаған боксшы жарысты жартылай финалдан бастады. Ол екі жекпе-жек өткізіп, сары құрлық біріншілігінің алтын медалін иеленді.