Астанада күмәнді ет сатқандар анықталды
Астанада ет өнімдерін заңсыз сатумен айналысқан екі кәсіпорын анықталды, деп хабарлайды Qazaq Today ақпарат порталы.
Қалалық полиция департаментінің хабарлауынша, кәсіпкер астыртын мал сою цехы үшін нысанды жалға алған.
Етті өңдеу рұқсат құжаттарынсыз және антисанитарлық жағдайларда жүргізілгені белгілі болды.
Сондай-ақ, тағы бір тұрғын өз үйінің ауласында етті заңсыз сатумен айналысқан. Өнімнің ешқандай құжаты, ветеринарлық мөрі жоқ, деп жазады qazaqstan.tv.
Тәркіленген еттің сапасын тексеруге сараптама тағайындалды. Заңбұзушылық бойынша қылмыстық іс қозғалды.
